banniere

Benvenguda


« Nadalenca » es un còr polifonic occitan de Montpelhièr

Titre Concert Date Heure Lieu Adresse Ville Prix
Concert de Noël Nadalets05-12-202118h00Maison des ChoeursPlace Albert 1erMONTPELLIER5€
BRASSENS canta l'amor11-12-202117h00Maison des ChoeursPlace Albert 1erMONTPELLIERGratuit

Aller sur la page Concert

Son but primièr es de promòure la lenga e la cultura occitanas per lo cant coral e, d’un biais general, de participar a la promocion del patrimòni cultural occitan.

Lo còr es compausat d’un vintenat de coristas repartits en quatre pupitres (bassas, alti, tenors, soprani)

Nadalenca dona de concèrts dins Occitània tota e en defòra se l’escasença se presenta.

Lo còr interprèta d’òbras polifonicas tiradas per la màger part del repertòri occitan istoric o contemporanèu : cants populars, tradicionals, ancians,modèrns, mas tanben òbras classicas adaptadas en occitan e cants de Nadal (los nadalets que foguèron à l’origina de Nadalenca).

Dempuèi qualques annadas, per fin d’espandir son public, de cants en d’autras lengas romanas (catalan, italian, etc) son integrats dins lo repertòri.

Levat los concèrts, Nadalenca produtz tanben d’espectacles cantats : « Resisténcias I » jogat de2015 a 2018 e ara un segond opus « Resisténcias II » qu’es en preparacion. Aqueste segond capítol seguirà lo parcours literari de la nòstra istòria a l’entorn del tèma de l’amor : dels trobadors a Mauresca, de l’amor de lonh a l’amor de pròchi.

Lo còr es jos la direccion de Chiara MACCOTTA dempuèi genièr 2018.

La dintrada se fa generalament a la debuta de setembre, las repeticions se debanan : “maison de l’occitanie, 117 rue des Etats Généraux; 34000 Montpellier”

Nos podetz rejónher, es pas necite de saber parlar occitan per cantar a Nadalenca.